சகிப்புத்தன்மையை அடிப்படையாகக் கொண்ட அரசியலுக்கு BN-PN ஒற்றுமையே சான்று – சரவணன்!
பாரிசான் நேஷனல், பெரிகாத்தான் நேஷனலை வழிநடத்தும் பாஸ் ஆகியவற்றுக்கு இடையேயான அரசியல் ஒத்துழைப்பு, பரஸ்பர மரியாதை மற்றும் சகிப்புத்தன்மையின் அடிப்படையில் பல்லின சமூகத்தின் ஒற்றுமைக்குப் புத்துயிர் அளிக்கக் கூடியதாகக் கருதப்படுகிறது.
அமைதியாகவும் நல்லிணக்கத்துடனும் வாழும் ஒரு பன்மைச் சமூகத்தை உருவாக்குவதில் மலேசியாவின் வெற்றி தற்செயலாக நிகழவில்லை என்றும், மாறாக அது அதிகாரமிக்க தலைமை, ஒற்றுமை, அரசியல் ஸ்திரத்தன்மை, சகிப்புத்தன்மை ஆகிய நான்கு முக்கிய காரணிகளை அடிப்படையாகக் கொண்டது என்றும் ம. இ. கா. தேசியத் துணைத் தலைவர் டத்தோ ஸ்ரீ எம். சரவணன் கூறினார்.
நாட்டின் நிர்வாகத்தில் மற்ற இனங்களைப் பங்காளிகளாக ஏற்கும் மலாய் சமூகத்தின் மனப்பான்மையும், ஒப்பீட்டளவில் குறுகிய காலத்தில் மலேசியா முன்னேற்றம் அடைந்ததற்கு ஒரு முக்கிய அடித்தளமாக அமைந்தது என்றும் அவர் கூறினார்.
அரசியல் செல்வாக்கு இல்லாததால் சில கட்சிகள் இன உணர்வுகளைத் தூண்ட முயற்சிக்கின்றன என்றும், அதே சமயம் இனங்களுக்கிடையேயான ஒற்றுமையும் நல்லுறவும் தொடர்ந்து பேணப்பட வேண்டும் என்றும் அவர் குறிப்பிட்டார்.
"நாம் பல்வேறு இனங்கள், மதங்கள் மற்றும் கலாச்சாரங்களைக் கொண்டவர்களாக இருந்தாலும், 50 ஆண்டுகளில் ஒரு நடுத்தர வர்க்க நாடு என்ற நிலையை அடைந்துள்ளோம்."
"வெற்றியின் நான்கு அடித்தளங்கள்: தலைவர்களின் ஞானம், ஒற்றுமை மற்றும் நட்பு, தொடர்ச்சியான அரசியல் ஸ்திரத்தன்மை, மற்றும் அனைத்து இனங்களையும் பங்காளிகளாக ஏற்கும் மலாய்க்காரர்களின் சகிப்புத்தன்மை மனப்பான்மை," என்று அவர் கூறினார்.

0 Comments
No comments yet. Be the first to comment.