TBC News Malaysia

TBC News Magazine brings you trusted timely and thought-provoking stories from around the globe.

Follow Us

மலேசிய சினிமாவின் மைல்கல்: 'நான் ஒரு மலேசியன்' 35ஆம் ஆண்டு விழா - டத்தோ ஸ்ரீ சரவணன் புகழாரம்!

Share This Article:

மலேசியத் திரைப்படத் துறையின் முன்னோடியான 'நான் ஒரு மலேசியன்' திரைப்படத்தின் 35ஆம் ஆண்டு நிறைவு விழாவில் கலந்துகொண்ட டத்தோ ஸ்ரீ டாக்டர் எம்.சரவணன், உலகத்தரம் வாய்ந்த மலேசியப் படங்களுக்கு இதுவே அஸ்திவாரம் எனப் பெருமிதத்துடன் குறிப்பிட்டார்.

மலேசிய சினிமாவின் மைல்கல்: 'நான் ஒரு மலேசியன்' 35ஆம் ஆண்டு விழா - டத்தோ ஸ்ரீ சரவணன் புகழாரம்!

மலேசியத் திரைப்படத் துறையில் நீங்கா இடம் பிடித்த 'நான் ஒரு மலேசியன்' திரைப்படம் வெளியாகி 35 ஆண்டுகள் நிறைவடைந்ததை முன்னிட்டு, சிறப்பான கொண்டாட்ட நிகழ்ச்சி ஒன்று இன்று நடைபெற்றது. இயக்குனர் சுகன் பஞ்சாட்சரம் அவர்களின் சிறப்பான இயக்கத்திலும் நடிப்பிலும் உருவான இந்த வரலாற்றுச் சிறப்புமிக்க திரைப்படத்தின் ஆண்டு விழாவை, தாப்பா நாடாளுமன்ற உறுப்பினரும் ம.இ.கா தேசியத் துணைத் தலைவருமான டத்தோ ஸ்ரீ டாக்டர் எம்.சரவணன் அவர்கள் தொடக்கி வைத்துச் சிறப்பித்தார். இந்த நிகழ்வில் கலந்துகொண்டது தமக்கு மிகுந்த மகிழ்ச்சி அளிப்பதாக அவர் தெரிவித்தார்.

Content image

இந்நிகழ்ச்சியில் உரையாற்றிய டத்தோ ஸ்ரீ சரவணன், மலேசியக் கலைத்துறைக்கும் திரைப்படத் துறைக்கும் 'நான் ஒரு மலேசியன்' ஒரு மாபெரும் முன்னோடிப் படைப்பு என்று புகழாரம் சூட்டினார். இன்று மலேசியத் திரைப்படங்கள் உலகளாவிய நிலையில் பல விருதுகளைப் பெறுவதற்கும், உலகத்தரம் வாய்ந்த படைப்புகளாக உருவெடுப்பதற்கும் மிக முக்கிய அஸ்திவாரமாக அமைந்தது இத்திரைப்படமே என்று அவர் பெருமிதத்துடன் குறிப்பிட்டார். இத்தகைய ஒரு காவியத்தைப் படைத்த இயக்குனர் சுகன் பஞ்சாட்சரத்தை இவ்வேளையில் நாம் அனைவரும் நன்றியோடு நினைவுகூர வேண்டும் என்றும் அவர் கேட்டுக்கொண்டார்.

Content image

மேலும், ஒரு திரைப்படத்தின் வெற்றிக்கு அதன் பின்னணியில் உள்ள அனைவரின் உழைப்பும் முக்கியம் என்பதை உணர்த்தும் வகையில், இந்த மாபெரும் படைப்பில் பங்காற்றிய நடிகர், நடிகைகள் மற்றும் தொழில்நுட்பக் கலைஞர்கள் என அனைவருக்கும் அவர் தனது மனமார்ந்த வாழ்த்துகளைத் தெரிவித்துக் கொண்டார்.35 ஆண்டுகள் கடந்த பின்பும், இத்திரைப்படம் மலேசியர்களின் நெஞ்சங்களில் நிலைத்து நிற்பது அதன் கலைச் சிறப்பையே காட்டுகிறது.

0 Comments

No comments yet. Be the first to comment.

Leave a Comment
image
image
image
image
image

Subscribe to our new updates!

terms & conditions