உஜோங் பத்து மறுமேம்பாட்டுத் திட்டம் - 66 ஆண்டுகால காத்திருப்புக்குப்பின் சிறப்பான எதிர்காலத்திற்கான புதிய நம்பிக்கை!

இந்த நீண்ட காத்திருப்பு வெறும் ஒரு வீட்டுவசதி மேம்பாட்டுத் திட்டம் மட்டுமே அல்ல, பாதுகாப்பான, வசதியான மற்றும் உத்தரவாதமான வாழ்க்கையை வாழ வேண்டும் என்ற ஒரு சமூகத்தின் கனவாகும் என்று பினாங்கு, பாகான் டாலாம் சட்டமன்ற உறுப்பினர் குமரன் கிருஷ்ணன் விவரித்தார்.

கடந்த 2026 அக்டோபர் 25 அன்று, பினாங்கு மாநில வீட்டுவசதி வாரியத்திற்கும் (LPNPP) 'பாரமவுண்ட் பிராப்பர்ட்டி (பட்டர்வொர்த்) சென். பெர்ஹாட்' (Paramount Property (Butterworth) Sdn. Bhd.) நிறுவனத்திற்கும் இடையே உஜோங் பத்து கிராமத்தை மறுமேம்பாடு செய்வதற்கான வரலாற்றுச் சிறப்புமிக்க ஒப்பந்தம் கையெழுத்தானது.

​சிலருக்கு 'மேம்பாடு' என்பது புதிய கட்டிடங்களை எழுப்புவது மட்டுமே ஆகும். ஆனால், உஜோங் பத்து மக்களுக்கு இப்பகுதி நீண்டகால வரலாறு, நினைவுகள், குடும்பப் பிணைப்பு மற்றும் தலைமுறை தலைமுறையாகக் கட்டியெழுப்பப்பட்ட வாழ்க்கை முறை ஆகியவற்றின் கருவூலமாகும். இங்குதான் பல தலைமுறைகள் வளர்ந்து, தங்கள் வாழ்க்கையை அமைத்து, அண்டை வீட்டாருடனான நல்உறவை வலுப்படுத்திக்கொண்டன. அதனால்தான், உஜோங் பத்து மறுமேம்பாட்டுத் திட்டம் என்பது வெறும் வீட்டுவசதித் திட்டம் மட்டுமல்ல, மக்களின் நலனையும் உரிமைகளையும் கைவிடாமல், அவர்களுக்கு ஒரு சிறந்த வாழ்க்கையை வழங்குவதற்கான முயற்சியாகும் என்று மாண்புமிகு குமரன் கூறினார்.

​268 குடும்பங்களின் எதிர்காலம்

​கடந்த 2013-ஆம் ஆண்டு மாவட்ட மற்றும் நில அலுவலகத்தால் மேற்கொள்ளப்பட்ட இறுதி கணக்கெடுப்பின்படி, 268 வீட்டு உரிமையாளர்கள் இந்த மறுமேம்பாட்டுத் திட்டத்திற்குத் தகுதியானவர்களாக அடையாளம் காணப்பட்டனர். இந்த எண்ணிக்கைக்குப் பின்னால், தங்களின் நீண்ட காத்திருப்பு ஒரு அர்த்தமுள்ள மாற்றத்தைக் கொண்டுவரும் என்று நம்பும் 268 குடும்பங்கள் உள்ளன.

​முன்னதாக, வீட்டுவசதி மற்றும் சுற்றுச்சூழல் துறை மாநில செயற்குழு உறுப்பினர் (Exco) டத்தோஸ்ரீ சுந்தரராஜூவுடன் இணைந்து, பாதிக்கப்பட்ட வீட்டு உரிமையாளர்களின் நலனை உறுதி செய்வது குறித்து மேம்பாட்டாளருடன் பேச்சுவார்த்தை நடத்தப்பட்டது.

​இதன் பயனாக, முதல் கட்டப் பணி நிறைவடையும் வரை, தகுதியான உரிமையாளர்களுக்கு மாதந்தோறும் ரிம 700 தற்காலிக வாடகை உதவித் தொகையாக வழங்க மேம்பாட்டாளர் ஒப்புக்கொண்டுள்ளார் (ஒப்பந்த நிபந்தனைகளுக்கு உட்பட்டு).

​திட்டமிடப்பட்டுள்ளன .

முக்கிய நன்மைகள்:

​இலவச வீடு, தகுதியுள்ள உரிமையாளர்களுக்கு நிபந்தனைகளுக்கு உட்பட்டு 750 சதுர அடி பரப்பளவு கொண்ட வீடுகள் இலவசமாக வழங்கப்படும்.

​வாடகைக்குச் சொந்தமாகும் திட்டம் (Rent-to-Own): தகுதியுடையவர்களுக்கு வாடகை செலுத்தி வீட்டைச் சொந்தமாக்கிக் கொள்ளும் வாய்ப்பு.

​வாகன நிறுத்துமிடம், ஒவ்வொரு குடியிருப்பு வீட்டிற்கும் ஒரு பிரத்யேக வாகன நிறுத்துமிடம் வழங்கப்படும்.

​மக்கள் நலனுக்கான தொடர் போராட்டம்

​பாகான் டாலாம் சட்டமன்ற உறுப்பினராக (ADUN Bagan Dalam), உஜோங் பத்து மறுமேம்பாட்டுத் திட்டம் என்பது மக்கள் எனக்கு அளித்த ஆணையிலிருந்து நான் போராடி வரும் ஒரு வாக்குறுதியாகும். பல தசாப்தங்களாகக் காத்திருப்பது என்பது அவ்வளவு எளிதானது அல்ல என்பதை நான் அறிவேன்.

​ஒப்பந்தம் கையெழுத்தானது மட்டுமே உண்மையான வெற்றி அல்ல, இதில் சம்பந்தப்பட்ட ஒவ்வொரு குடும்பமும் தங்கள் வாழ்க்கையில் ஒரு நேர்மறையான மாற்றத்தைக் காணும்போது மட்டுமே உண்மையான வெற்றி சாத்தியமாகும்.

​இன்று, ஒரு நீண்ட போராட்டத்தின் முக்கியப் படியைக் கடந்து, அதைச் செயல்படுத்தும் கட்டத்திற்கு நாம் நகர்ந்துள்ளோம். இந்தப் பயணத்திற்கு அனைத்துத் தரப்பினரின் தொடர் ஒத்துழைப்பும் கண்காணிப்பும் அவசியமாகும். இத்திட்டம் முழுமைபெறும் வரை மக்களின் உரிமைகளும் நலன்களும் பாதுகாக்கப்படுவதை நான் தொடர்ந்து உறுதிசெய்வேன்.

​இவ்வேளையில், பினாங்கு முதலமைச்சர் சௌ கொன் இயோ, பாகான் நாடாளுமன்ற உறுப்பினர் லிம் குவான் எங், மாநில செயற்குழு உறுப்பினர் டத்தோஸ்ரீ சுந்தரராஜூ, பினாங்கு மாநில வீட்டுவசதி வாரியம் (LPNPP), வட செபராங் பிறை மாவட்ட மற்றும் நில அலுவலகம், பாகான் டாலாம் MPKK, உஜோங் பத்து சிறப்பு நடவடிக்கைக் குழு மற்றும் உஜோங் பத்து கிராம மக்கள் அனைவருக்கும் எனது மனமார்ந்த நன்றியைத் தெரிவித்துக் கொள்கிறேன்.

​அர்த்தமுள்ள வளர்ச்சி என்பது மக்களை முதன்மையாகக் கொண்ட வளர்ச்சியாகும். உஜோங் பத்து என்பது வெறும் வீடுகள் அல்ல, அது நமது வரலாறு, பாரம்பரியம் மற்றும் மக்களின் வாழ்க்கை முறை.

​66 ஆண்டுகால காத்திருப்புக்குப் பிறகு, இத்தொடக்கம் உஜோங் பத்து மக்களுக்கு ஒரு புதிய அத்தியாயத்தை எழுதும்—இன்றைய தலைமுறைக்கும் இனிவரும் தலைமுறைகளுக்கும் ஒரு வசதியான, பாதுகாப்பான மற்றும் கண்ணியமான எதிர்காலத்தை அமைத்துத் தரும் என நம்புகிறேன்.

​"மக்களின் நம்பிக்கை நிஜமாகும் வரை நமது போராட்டம் தொடரும் என்று ஊஜோங் பத்து வீட்டு மக்களின் சட்டமன்ற உறுப்பினர் குமரன் கிருஷ்ணன் விவரித்தார்.